Friday, August 24, 2012

Monday, August 1, 2011

మైక్రోసాఫ్ట్ వర్డ్ లో A to Z షార్ట్ కట్స్

                   ఆఫీసు పనుల నిర్వహణ  నిమిత్తం తయారు చేయబడిన సాఫ్ట్ వేర్లను ఆఫీసు సూట్ అని అంటారు. మన ఆఫీసు పనులకోసం ఎన్నో రకాల సాఫ్ట్ వేర్లు ఉన్నప్పటికీ, వాటన్నిటిలోనూ మైక్రోసాఫ్ట్ కంపెనీ తయారు చేసిన ఎం.ఎస్.ఆఫీస్ ను మాత్రమే ఎక్కువ శాతం ప్రజలు ఉపయోగిస్తున్నారు. ప్రతీ ఆఫీసు సూట్ కొన్ని ప్రత్యేకమైన సాఫ్ట్ వేర్లు కలిగివుంటాయి. ఉదాహరణకి ఎం.ఎస్. వర్డ్, ఎం.ఎస్.ఎక్సల్, ఎం.ఎస్. పవర్ పాయింట్ మరియు ఎం.ఎస్. యాక్సస్ వంటివి.
                వీటిలో మైక్రోసాఫ్ట్ వర్డ్ టైపు మెషీన్ తో చేసే పని అంతటినీ కంప్యూటర్ ద్వారా చేయడానికి మరియు ఇంకా ఎంతో అందముగా, ఆకర్షణీయముగా చేయడానికి ఉపయోగపడుతుంది. అందుకే   మైక్రోసాఫ్ట్ వర్డ్ కి  ఎం.ఎస్.ఆఫీసు లో ప్రత్యేకమైన స్థానం ఉంది. అటువంటి వర్డ్ లో మన పని సులభముగా చేయడానికి ఎన్నో రకాల షార్ట్ కట్ కీస్ రూపోందించబడ్డాయి.
               షార్ట్ కట్ కీస్ అంటే మెనూస్ మరియు టూల్ బార్స్ లో వుండే కమాండ్ లను మౌస్ ఉపయోగించి సెలక్ట్ చేయవలసిన అవసరం లేకుండా కీబోర్డ్ ద్వారా సింపుల్ గా  చేయడానికి ఉపయోగించే  బటన్స్ అని అర్ధం. వీటిని కంట్రోల్, ఆల్ట్, షిఫ్ట్ కాంబినేషన్లో ఉపయోగిస్తారు. 

              వీటిలో ముఖ్యమైన కొన్ని షార్ట్ కట్ కీస్. 
Ctrl+A -  Select All -డాక్యుమెంట్ లో ఉన్న సమాచారం మొత్తం సెలక్ట్ అవ్వాలంటే 
Ctrl+B -Bold - సెలక్ట్ చేసిన సమాచారము అంతా డార్క్ గా మారాలంటే  
Ctrl+C - Copy - సెలక్ట్ చేసిన సమాచారమును క్లిప్ బోర్డ్ లోనికి కాపి చేస్తుంది
Ctrl+D - Font - ఫార్మట్ మెనూ లోని ఫాంట్ కమాండ్ ఓపెన్ చేయాలంటే, దీని ద్వారా ఫాంట్, సైజ్, స్టయిల్, కలర్, అండర్ లైన్, స్పేసింగ్ మరియు ఎఫెక్ట్ లను సెలెక్ట్ చేసుకునే అవకాశం కలదు.
Ctrl+E - Center Alignment - సెలక్ట్ చేసిన పేరాగ్రాఫ్ లను రూలర్ కి మధ్యలోనికి తీసుకుని రావాలంటే
Ctrl+F - Find - డాక్యుమెంట్ లో కావలసిన పదాన్ని వెదకడానికి
Ctrl+G - Goto - డాక్యుమెంట్ లో కావలసిన లైన్ లేదా పేజ్ లేదా సెక్షన్ లేదా బుక్ మార్క్ వద్దకు కర్సర్ తీసుకు వెళ్ళాలంటే
Ctrl+H - Replace - డాక్యుమెంట్ లో కావలసిన పదాన్ని వెదకి దాని స్థానములో వేరొక పదాన్ని ఉంచడానికి
Ctrl+I - Italic - సెలక్ట్ చేసిన సమాచారము ఇటాలిక్  స్టయిల్ లోనికి మారాలంటే 
Ctrl+J - Justify - సెలక్ట్ చేసిన పేరాగ్రాఫ్ లను రూలర్ కి అనుగుణముగా సెట్ చేయాలంటే. లెటర్స్ టైప్ చేసేటప్పుడు తప్పనిసరిగా జస్టిఫై చేస్తే చూడటానికి చాలా అందంగా కనిపిస్తుంది.    
Ctrl+K- Hyperlink - ప్రస్తుత డాక్యుమెంట్ లో వేరొక ఫైల్ ని లింక్ చేయడానికి. ఈ లింక్ పై క్లిక్ చేయడం ద్వారా ఆ ఫైల్ ని ఓపెన్ చేయవచ్చు.
Ctrl+L - Left Alignment - సెలక్ట్ చేసిన పేరాగ్రాఫ్ లను రూలర్ కి ఎడమ వైపుకి తీసుకుని రావాలంటే
Ctrl+M - Indent - సెలక్ట్ చేసిన పేరాగ్రాఫ్ మొత్తం ముందుకు జరగాలంటే.
Ctrl+N - New - కొత్త ఫైల్ తయారు చేయాలంటే
Ctrl+O - Open - కంప్యూటర్లో స్టోర్ చేసిన ఫైల్ ని ఓపెన్ చేయాలంటే.
Ctrl+P - Print - ప్రస్తుతం చేస్తున్న డాక్యుమెంట్ ని పేపర్ పై ప్రింట్ చేయాలంటే
Ctrl+Q - Reset Para - మార్పు చేసిన పేరాగ్రాఫ్ సెట్టింగ్స్ అన్ని పోయి, యధావిధిగా రావాలంటే  
Ctrl+R - Right Alignment - సెలక్ట్ చేసిన పేరాగ్రాఫ్ లను పేజ్ కి కుడి వైపుకి తీసుకుని రావాలంటే 
Ctrl+S - Save - క్రియేట్ చేసిన డాక్యుమెంట్ ను కంప్యూటర్ లో స్టోర్ చేయాలంటే  
Ctrl+ T - Hanging Indent - పాయింట్  వైజ్ గా సమాచారం టైప్ చేసేటప్పుడు ఈ హేంగింగ్ ఇండెంట్ సెట్ చేస్తే అందంగా వుంటుంది. 
Ctrl+U - Underline -  సెలక్ట్ చేసిన సమాచారమునకు అండర్ లైన్ ఇవ్వాలంటే  
Ctrl+V - Paste - కట్ చేసిన లేదా కాపి చేసిన సమాచారమును (క్లిప్ బోర్డ్ లో ఉన్నది) కావలసిన చోట ఇన్ సర్ట్ చేయాలంటే  
Ctrl+W - Document Close - ప్రస్తుతం చేస్తున్న డాక్యుమెంట్ ను క్లోజ్ చేయాలంటే
Ctrl+ X - Cut - సెలక్ట్ చేసిన సమాచారమును అక్కడినుండి తీసివేసి క్లిప్ బోర్డ్ లో స్టోర్ చేయడానికి
Ctrl+ Y - Redo - అన్ డూ చేసిన మార్పులను కేన్సిల్ చేయాలంటే  
Ctrl+ Z - Undo - మనం చేసిన వర్క్ ఒక్కొక్కటిగా కేన్సిల్ చేయాలంటే  
F7 - Spelling and Grammar Check  - డాక్యుమెంట్లో మనం చేసిన స్పెల్లింగ్ మరియు గ్రామ్మర్ తప్పులను కరెక్ట్ చేయడానికి
Ctrl+[or] - సెలక్ట్ చేసిన సమాచారము యొక్క సైజ్ పెంచాలన్నా, తగ్గించాలన్నా
వీటిని ఉపయోగించి మీ డాక్యుమెంట్లను మరింత అందముగా తయారు చేసుకోండి  

Saturday, August 22, 2009

మీ మొబైల్ లోనికి ఫుల్ స్క్రీన్ వీడియో చూడాలనుకుంటున్నారా?


ప్రస్తుత కాలంలో చాలామంది మెమొరి కార్డ్ ఉన్న బ్రాండెడ్ సెల్స్ మరియు చైనా సెల్స్ ఉపయోగిస్తున్నారు. ఈ టైప్ మొబైల్స్ అన్ని వీడియో సపోర్ట్ చేస్తుంటాయి. మన వద్ద ఉన్న వీడియోలను సెల్ ఫోన్ లో ప్లే అవ్వడానికి రకరకాలైన వీడియో కన్వర్టర్లు ఉపయోగిస్తుంటారు. అయితే వాటిలో చాలా వరకు స్కోప్ వీడియోలను అలాగే కన్వర్ట్ చేస్తాయి. అలా కాకుండా ఫుల్ స్క్రీన్ లో కనిపించాలంటే ఆ వీడియోని 4:3 గా క్రాప్ చెయ్యాలి.
వీటికోసం నేను ప్రయత్నించిన అన్ని సాఫ్ట్ వేర్ ల లోను మంచి సాఫ్ట్ వేర్ అనిపించిన దాని గురించి మీకు తెలియ చెయ్యాలని దాని వివరాలు ఇక్కడ ఇస్తున్నాను. మీరు కూడ ప్రయత్నించండి
http://www.4videosoft.com/
దీనిలో మీకు కావలిసిన వీడియోని యాడ్ ఫైల్ (Add File) ద్వారా Add చేసి, Trim ఆప్షన్ ద్వారా వీడియోని కావలినంత వరకూ కట్ చేయవచ్చును. Crop ఆప్షన్ ద్వారా Zoom Mode 4:3కి సెట్ చేసి వాల్యుం పూర్తిగా సెలక్ట్ చేసి OK చెయ్యాలి. ప్రొఫైల్ లో మీ మొబైల్ కి తగినట్లుగా సెలెక్ట్ చేసి స్టార్ట్ పై క్లిక్ చెయ్యడం ద్వార కన్వర్ట్ చెయ్య వచ్చు.

Saturday, May 17, 2008

మీ హార్డ్ డ్రైవ్లో సిస్టం రిస్టోర్ ఫోల్డర్లో వున్న వైరస్ ఫైల్స్ డిలేట్ అవ్వడం లేదా?


కంప్యూటర్ కు వైరస్ వచ్చినపుడు యాంటీవైరస్ ద్వారా క్లీన్ చేస్తే సిస్టం రిస్టోర్ ఫోల్డర్లో వున్న వైరస్ ఫైల్స్ తప్ప అన్ని క్లీన్ అవుతుంటాయి. కాని వైరస్ మరలా ఈ సిస్టం రిస్టోర్ నుండి ఇన్ ఫెక్ట్ అవుతుంది. చాలామంది ఈ సిస్టం రిస్టోర్ ఫోల్డర్లో వున్న వైరస్ ఫైల్స్ ఎలా డిలేట్ చెయ్యాలో తెలియక ఇబ్బంది పడుతుంటారు. అటువంటివారు ఈ క్రింది విధముగా ప్రయత్నించండి.
ముందుగా కంట్రోల్ పానెల్ లోని ఫొల్డెర్ ఆప్షన్స్ లొ ముందుగా షో హిడెన్ అండ్ సిస్టం ఫైల్స్ ను సెలక్ట్ చేయండి.
తరువాత అదే టాబ్లో హైడ్ ఆపరేటింగ్ సిస్టం ఫైల్స్ అనే ఆప్షన్ను డిసేబుల్ చేయండి.
ఇప్పుడు ప్రతీ డ్రైవ్ లో మీకు రీసైకిల్ మరియు సిస్టం వాల్యుం ఫోల్డర్స్ కనిపిస్తాయి. అక్కడనుండి మీ వైరస్ ఫైల్స్ డిలేట్ చేయవచ్చు.
సిస్టం రిస్టోర్ ఆఫ్ చెయ్యాలంటే సిస్టం టూల్స్ లోని సిస్టం రిస్టోర్ లోనికి వెల్లి సిస్టం రిస్టోర్ సెట్టింగ్స్ లో టర్న్ ఆఫ్ సిస్టం రిస్టోర్ అనే ఆప్షన్ సెలక్ట్ చెయ్యండి. అక్క్డనుంది కూడా సిస్టం రిస్టోర్ లోని ఫైల్స్ను డిలేట్ చెయ్య వచ్చు.




Sunday, February 24, 2008

మీకెప్పుడైనా డిలేట్ అయిపోయిన ఫైల్స్ మరలా వెనుకకు తెచ్చుకోగలిగితే బావుండును అనిపించిందా?


మనలో చాలా మంది తెలిసో తెలియకో ముఖ్యమైన ఫైల్స్ డిలేట్ అయిపోతే అయ్యో పోయాయే ని బాధ పడుతుంటారు. అయితే ఇలా డిలేట్ అయిపోయిన ఫైల్సును సైతం వెనుకకు తెచ్చుకోవచ్చని మీకు తెలుసా?
కంప్యూటర్లోని ఫైల్స్ డిలేట్ అయిన విధానాన్ని బట్టి రికవరీ అనేది ఆధార పడి వుంటుంది.
1. మీరు కీబోర్డ్లోని డిలేట్ గాని, రైట్ క్లిక్ డిలేట్ ద్వారా గాని డిలేట్ చేస్తే వాటిని రికవరీ చేయాలంటే డెస్క్ టాప్ పై ఉన్న రీసైకిల్ బిన్ ఓపెన్ చేస్తే దానిలో డిలేట్ అయినవి కనిపిస్తాయి. అపుడు వాటిని సెలక్ట్ చేసి మౌసు రైట్ క్లిక్ చేస్తే వచ్చే మెనూలో రిస్టోర్ అనే ఆప్షన్ సెలక్ట్ చేస్తే రికవరీ అవుతాయి.
2. అలా కాకుండా పర్మినంట్ గా డిలేట్ అయిపోతే ఇక తర్డ్ పార్టీ సాఫ్ట్ వేర్ వాడాల్సిందే. అలాంటి వాటిలో బాగా పనిచేసేది గెట్ డాటా బ్యాక్
ఈ సాఫ్ట్ వేరును మీరు ఉపయోగించే ఫైల్ సిస్టము ఆధారంగా కొనుగోలు చేయవలసి వుంటుంది. అనగా ఫాట్ లేదా ఎన్.టి.ఎఫ్.ఎస్.ను బట్టి.
అయితే ఈ డాటా రికవరీ అనేది డిలేట్ చేసిన లొకేషన్ లో వేరే కొత్త డాటా రాయబడనంత వరకూ రికవరీ చేయవచ్చు. కాబట్టి డాటా రికవరీ అనేది డాటా లాస్ అయిన వెంటనే ప్రయత్నిస్తే మంచి ఫలితాలు వుంటాయి.
ఈ సాఫ్ట్ వేర్ ను ఈ క్రింది సైట్ నుండి డవున్లోడ్ చేసుకోవచ్చు.
http://www.runtime.org/downloads.htm

Wednesday, January 30, 2008

మీరు క్రియేట్ చేసుకున్న ఫైల్స్ గాని, ఫోల్డర్ గాని ఎవరికీ కనిపించకుండా దాచాలనుకుంటున్నారా?


మీరు క్రియేట్ చేసుకున్న ఫైల్స్ గాని, ఫోల్డర్ గాని ఎవరికీ కనిపించకుండా దాచాలనుకుంటే, మీరు దాచాలనుకున్న ఫైల్స్ గాని, ఫోల్డర్ గాని సెలక్ట్ చేసుకుని వాటిపై మౌస్ తో రైట్ క్లిక్ చేసి ప్రోపర్టీస్ సెలక్ట్ చేయాలి. అపుడు వచ్చిన విండోలో హిడెన్ సెలక్ట్ చేసి అప్ప్లై పై క్లిక్ చేయాలి.అపుడు అవి దాచబడతాయి.
ఇలా దాచినవి మరలా రావాలంటే ఏదేని విండోలో టూల్స్ మెనూలోని ఫోల్డర్ ఆప్షన్స్ గాని, స్టార్ట్ మెనూలోని, సెట్టింగ్స్ లోని, కంట్రోల్ పేనల్ లోని, ఫోల్డర్ ఆప్షన్స్ సెలక్ట్ చేయాలి.
ఫోల్డర్ ఆప్షన్స్ విండోలో వ్యూ టాబ్ లో హిడెన్ ఫైల్స్ అండ్ ఫోల్డర్స్ లో "షో హిడెన్ ఫైల్స్ అండ్ ఫోల్డర్స్" సెలక్ట్ చేయాలి. అపుడు దాచినవి కనిపిస్తాయి.
మరలా కనిపించకూడదనుకుంటే టూల్స్ మెనూలోని ఫోల్డర్ ఆప్షన్స్ గాని, స్టార్ట్ మెనూలోని, సెట్టింగ్స్ లోని, కంట్రోల్ పేనల్ లోని, ఫోల్డర్ ఆప్షన్స్ సెలక్ట్ చేయాలి.
ఫోల్డర్ ఆప్షన్స్ విండోలో వ్యూ టాబ్ లో హిడెన్ ఫైల్స్ అండ్ ఫోల్డర్స్ లో డు నాట్ షో హిడెన్ ఫైల్స్ అండ్ ఫోల్డర్స్ సెలక్ట్ చేయాలి.

Monday, November 19, 2007

మీరు విండొస్ ఎక్స్ పీ వాడి వాడి విసుగు చెందిపోయినారా?


మీరు విండొస్ ఎక్స్ పీ వాడి వాడి విసుగు చెందిపోయినట్లయితే, ఒక కొత్త లుక్ కోసం ఎదురు చూస్తున్నట్లయితే మీ కోసం అంతర్జాలము(ఇంటర్ నెట్)లో ఎన్నో రకాల కొత్త లుక్ తో మీకు విండొస్ ఎక్స్ పీ ఆపరేటింగ్ సిస్టములు లభిస్తున్నాయి. వీటి ప్రత్యేకతలు ఏమిటంటే మీరు ఆపరేటింగ్ సిస్టం లోడ్ చేసుకున్న తరువాత డ్రైవర్స్ ఇన్ స్టాల్ చేసుకోనవసరం లేదు మరియు ఒక పి.సి. యూజర్కి అవసరమైన కొన్ని మృదులాంత్రములు (సాప్ట్ వేర్స్)కూడా వీటితో పాటు మనకు ఇన్ స్టాల్ అవుతాయి.( విన్ యాంప్,మీడియా ప్లేయర్11, ఇంటర్ నెట్ ఎక్స్ ప్లోరర్ 7, యాంటీ వైరస్, బర్నర్స్, సిస్టం టూల్స్, ట్వీకింగ్ యుటిలిటీస్ మొదలైనవి).అటువంటి ఆపరేటింగ్ సిస్టములకు
ఉదాహరణ:
1. విండోస్ డార్క్ ఎడిషన్

2. విండోస్ బ్లాక్ ఎడిషన్

3. విండోస్ క్రిస్టల్ ఎక్స్ పీ

4. విండోస్ రాయల్ ఎక్స్ పీ

5. విండోస్ వెబ్మొసిస్ ఎక్స్ పీ

6. విండోస్ స్పైడర్మాన్ ఎక్స్ పీ

ఇలాంటివి ఇంకెన్నో మీకు అంతర్జాలములో వెదకినట్లయితే లభిస్తాయి.

మీరు కూడా ఇటువంటి ఆపరేటింగ్ సిస్టం స్వంతముగా తయారు చేసుకోవచ్చు. అదెలాగో నా తరువాతి పోస్ట్ లో తెలియ చేయగలను.